AURKEZPENA

Easo Politeknikoa Goi Mailako Berariazko Lanbide Heziketako Institutua da. Bertan honako ikasketak ematen dira: Lanbide Heziketako hasierako prestakuntza ( erdi- eta goi-mailako heziketa zikloak), etengabeko prestakuntza (langile zein langabetuentzako ikastaroak), lanerako prestakuntza eta zikloetan sartzeko ikastaroak.

Gure ikastetxean 9 lanbide familietako heziketa zikloak ematen dira, erdi- zein goi-mailakoak, A eta D ereduan. Familiak honako hauek dira: Zurgintza eta Altzarigintza, Elektrizitate-elektronika, Kimika, Eraikuntza eta obra zibila, Fabrikazio mekanikoa, Produkzioaren zerbitzu eta mantenimendua, Gizarte, Kultura eta komunitateko zerbitzuak, Osasun zerbitzuak eta Gorputz- eta kirol-ekintzak.